လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ မြိတ်ခရိုင်ဦးစီးမှူးရုံးမှ တာဝန်ရှိသူများသည် ကြက်ခြေနီတပ်ဖွဲ့တို့နှင့် ပူးပေါင်း၍ (၁၈.၆.၂၀၁၉)ရက်နေ့တွင် မြိတ်မြို့နယ်၊ မြိတ်တောင်ကျေးရွာအုပ်စု၌ မိုးသက်လေပြင်းကြောင့် သစ်ပင်ဖိကာ ပြိုလဲပျက်စီးခဲ့သောအိမ်၁လုံးအတွက် ကယ်ဆယ်ရေးပစ္စည်း (၁၅)မျိုး (၁)စုစာ၊ အိမ်ဆောက်ပစ္စည်းဖိုး၊ (၁)သိန်း၊ ယိုင်နဲ့အိမ်ခြေ (၁)လုံးအ တွက် ကယ်ဆယ်ရေးပစ္စည်း (၁၀)မျိုး (၁)စုစာ အိမ်ဆောက်ပစ္စည်းဖိုး၊ (၁)သိန်း လူဦးရေ(၁၄)ဦးအတွက် ဆန်ဘိုး (၂၉,၄၀၀/-)ကျပ်တို့ကို (၁၈.၆.၂၀၁၉) ရက်နေ့ (၁၄း၅၀)နာရီအချိန်တွင် သွားရောက်ထောက်ပံ့ခဲ့ပါကြောင်း သတင်းရရှိပါသည်။
#ha_sgw
#tny_jun2019
Source: မြိတ်ခရိုင်ဦးစီးမှူးရုံး (ဘစမ)